Uit

Uit deur Fanie Viljoen. Uitgewer: Lapa. Prys: R130. Resensent: Lona Gericke

http://www.netwerk24.com/vermaak/2015-03-15-onopgesmukte-tienerverhaal

Brent is in gr. 10. Sy vriende is Kevin, Vince en De Waal. Almal behalwe Vince speel rugby.

Kevin, die leier van die groep, spog gedurig oor al sy gelukkies met die meisies.

Aanvanklik ervaar die leser ’n normale skoolsituasie met tienerseuns wat gesels oor meisies en rugby. Maar gou word dit duidelik dat Brent “anders” is. Hy vertel dat hy maar min ervaring het met meisies; hy praat van sy vrees vir meisies. Wanneer Nita in hom begin belang stel en hy na haar partytjie genooi word, kry hy die geleentheid om haar te soen. “Maar iets is verkeerd.” Hierna volg ’n ander opmerking dat daar iets is waaroor sy pa nie so trots sal wees as hy uitvind nie.

Dan noem hy verder dat die ding al lankal aan hom krap. Hy het gedink hy kan dit onderdruk, “maar dit is soos hierdie onverstaanbare ding wat elke keer in my kop opkom”.

Wanneer hulle teen Redhill rugby speel, sien hy vir ’n oomblik die aantreklike ou wat vir hom glimlag. Dit ruk aan sy binnekant; sy beeld bly hom by.

Met ’n volgende wedstryd verloor Brent ’n drie toe hy uittrap. Die Redhill-ou kom hom troos en Kevin sien dit. Só word hy en Kevin se speletjie van altyd grapsgewys dreig – “ek en jy agter die gym” – ’n werklikheid. Brent se geheim word openbaar. Hy het nou eintlik “uitgekom”. Dit is ’n risiko – almal kan hom verstoot – maar nou hoef hy nie meer vir homself te jok nie. En heel moontlik sal sy gesin hom nie verstoot nie. Of sal hulle?

Fanie Viljoen skryf hier ’n eerlike, onopgesmukte verhaal waarin die worsteling van ’n tienerseun met sy emosies en behoeftes oortuigend uitgebeeld word. Daar word nie doekies omgedraai nie – Brent verteenwoordig elke seun of dogter wat aanvaarding soek vir wie hulle is.

Advertisements

Nuus – Tweede boek gratis – Jaco Jacobs

Gratis Boek van Jaco JacobsKoop ‘n eBoek van Jaco Jacob en staan ‘n kans om ‘n tweede titel van die skrywer gratis te ontvang by Lapa.Jaco Jacobs se tienerboek Oor ’n motorfiets, ’n zombiefliek en lang getalle wat deur elf gedeel kan word op die kortlys is vir die filmafdeling van vanjaar se kykNET-Rapport Boekpryse. Dit is ’n enorme eer en Jaco s’n is die enigste jeugboek op enige van die lyste; die res is almal volwasse tekste.Kopers van ‘n eBoek van Jaco Jacobs by myAfrikaans.com  gedurende Oktober sal outomaties vir hierdie kompetisie ingeskryf word.

via Nuus – Tweede boek gratis – Jaco Jacobs.

 

Nuus – Nuus van Lapa 5-8-2014

Suurlemoen!, die film wat geïnspireer is deur Jaco Jacobs se jeugboek, begin vanaf 12 September draai. Moenie hierdie een misloop nie! Die hoofrolle word vertolk deur Tiaan Kelderman (as Tiaan op kitaar), Ben Pienaar (as Zane op die bas), Aimee Ritchie (as Liezl op vox), Pearl Monama (as Bongi op die tromstel) en Chris Chameleon as meneer Marx.

Fanie Viljoen se jongvolwasseteks, Pleisters vir die dooies, handel oor ’n skoolskieter. Die teks maak oral opslae.

En weer terug na Jaco Jacobs. Sy boek Oor ’n motorfiets, ’n zombiefliek en lang getalle wat deur elf gedeel kan word is in Julie op die langlys geplaas vir ’n internasionale kinderboekkompetisie.

Cecilia Britz en verskeie van LAPA se krimi-outeurs is onlangs geloof vir hulle goeie werk in ’n akademiese referaat.

via Nuus – Nuus van Lapa 5-8-2014.

Jaco Jacobs se SkryfBlog: 10 vrae aan Marisa Haasbroek

http://myafrikaans.com/iewers-vlieg-daar-fairy-dust.html

Koop die eBoek hier!

Marisa Haasbroek het bekendheid verwerf vir haar romantiese verhale vir volwasse lesers, onder die skuilnaam Rykie Roux. Haar eerste jeugboek Iewers vlieg daar fairy dust is ’n onvergeetlike leeservaring.

1. Iewers vlieg daar fairy dust is nie net jou eerste jeugroman nie, dit is ook die eerste boek wat jy onder jou eie naam publiseer. Hoe voel dit om vir die eerste keer jou eie naam op die (baie mooi!) omslag van ’n boek te sien?

Ek het gister my outeurskopieë gekry en dis heerlik. Ek het vantevore wel kortverhale onder my eie naam gepubliseer. Op die internet swerf nou nog ’n kortverhaal van my, Erik se T-hemp, rond wat oorspronklik in Sarie verskyn het. Iemand in Kanada het selfs die moeite gedoen om dit in Engels te vertaal.

via Jaco Jacobs se SkryfBlog: 10 vrae aan Marisa Haasbroek.

’n Harde verhaal, diep uit die maag van monster

Blou trane is grinterig.

Dis kru.

As julle terugdink aan Trainspotting, wel, hier is ’n boek oor die gatkant van die heroïenslaaf se lewe – in Afrikaans.

Dit word as dokumentêre fiksie bemark, deels omdat die outeur self ’n wals met dwelms gegooi het, maar gelukkig is hier ’n slim skrywer aan die stuur; die dokument word fiksie. Die fiksie dra die leser, niks sedelessies of handjiesklap oor die nege stappe nie.Blou trane is minder filmies as Trainspotting, hoewel daar ’n paar tonele is wat … nou ja. Lees maar self.Daniella Day skryf egter eerder oor die méns. Sy plaas haar karakters in situasies, die situasie is nie die belangrikste element in die boek nie. Ek dink dis ’n ma-ding. Irvin Wells se totaal onverstaanbare Skotse Engels was gemik om visuele drogbeelde. Hierdie drogbeelde kom in Blou trane ook voor, maar dit is ’n meer menslike werk – hoewel steeds nie vir sensitiewe lesers nie.Blou trane is dus baie anders as Trainspotting. Gelukkig. Dit is ’n eiesoortige verhaal, ’n ondersoek na die karakter van die verslaafde. Daniella Day het besef dat sy gelukkig was om redelik ongeskonde uit haar dwelmtog te kom; nie almal kan dieselfde sê nie. Die probleem is dat diegene wat erger goed beleef as Daniella, dikwels nie meer die vermoë het om daaroor te skryf nie

via ’n Harde verhaal, diep uit die maag van monster.